काठमाडौं । केही महिनाअघि फिल्म ‘चिँ मुसी चिँ’ ले सार्वजनिक गरेको शीर्ष गीत धेरैलाई मन प–यो । अहिले फिल्म रिलिजको मिति नजिकिँदै गर्दा ट्रेलर सार्वजनिक गरिएको छ ।
नयाँ कलाकारलाई डेब्यु गराइएको फिल्मको कथालाई थ्रीलर बनाउन खोजिए पनि त्यति प्रभावकारी देखिँदैन । तर कथा नबुझिने ट्रेलरले फिल्म केही सस्पेन्स छ कि भन्ने भने पारिदिन्छ ।
निर्देशक दिनेश श्रेष्ठले फिल्मले कौतुहल छोडोस् भनेर कथा नखुलाएको बताए ।
ट्रेलरमा मुख्यतः सुनिल क्षेत्री, सुशान्त कार्की र अलिशा शर्मालाई देखाइएको छ । सुनिल र अलिशाका लागि यो फिल्म डेब्यु फिल्म पनि हो । साथै फिल्ममा शिवराज कार्की, शेखर अधिकारी, कमली वाइवा लगायतका कलाकारले पनि अभिनय गरेका छन् । फिल्ममा बासु न्यौपानेको छायांकन, भुपेन्द्र अधिकारीको सम्पादन र डबबहादुर गुरुङको निर्माण रहेको छ ।
फिल्मलाई यही साउन ११ गतेबाट देशभर रिलिज गरिँदैछ ।
यो खबर पढेर तपाईलाई कस्तो महसुस भयो ?
प्रतिक्रिया