काठमाडौं । नेपालका लागि क्लासिक लिजेन्ड्सको एकमात्र अधिकृत वितरक, अग्नि ग्रुपको सहायक कम्पनी अग्नि मोटोइक प्रालिले थापाचोक, जनकपुरमा आफ्नो नयाँ डिलर भाष्कर एन्ड भाष्कर ईन्टरप्राईजेज प्रा.लि.को स्थापनासँगै सुसज्जित र पूर्ण रुपमा सञ्चालित जावा मोटरसाइकलको विशिष्ट शोरूम खोलेको छ ।
बिर्तामोड, धरान, इटहरी, विराटनगर, लहान, वीरगंज, नारायणघाट, पोखरा, बाग्लुङ्ग, बुटवल, भैरहवा, नेपालगञ्ज, सुर्खेत, दाङ्ग र धनगढीका विभिन्न शाखा र डिलरहरू भएका स्थानहरूमा सुलभ रूपमा जावा मोटरसाइकलहरू उपलब्ध गराइसकेपछि जनकपुरमा नयाँ डिलर नियुक्तिसँगै पूर्ण सुसज्जित थ्री यश शोरूम स्थापना गरेको हो ।
भाष्कर एन्ड भाष्कर ईन्टरप्राईजेज प्रा.लि.का प्रबन्ध निर्देशक विनय मनि शर्माको आमा माया देवी र मिस युनिभर्स नेपाल २०२१ तथा जावा मिस फियर्स सुजिता बस्नेतले सामूहिक रुपमा यस शोरुम उद्घाटन गरेका थिए ।
जावा मोटरसाइकल शहर बजारमा मात्र नभई हाईवेको यात्राका लागि पनि निकै आरामदायी र उपयुक्त भएको अग्नि मोटोइंक प्रा.लि.का सेल्स हेड प्रत्युष श्रेष्ठले बताए । उनका अनुसार मोटरसाइकल पारखीले आफ्नो व्यक्तित्व अनुसार आफूलाई सुहाउँदो र मनपर्ने मोडलका जावा मोटरसाइकल सहजै पाउन सक्नेछन्।
यो खबर पढेर तपाईलाई कस्तो महसुस भयो ?
प्रतिक्रिया