विश्वकपमा आज दुई खेल हुँदै

रसिया । जारी फिफा विश्वकप फुटबल अन्तर्गत आज प्रि—क्वार्टरफाइनलको दुई खेल हुँदैछ ।

आज साँझ हुने पहिलो खेलमा सन् २०१० को विश्व विजेता स्पेनले आयोजक राष्ट्र रसियाको सामना गर्दैछ । यि दुई टिमविचको खेल लुज्निकी स्टेडियममा आज साँझ पौने ८ बजेपछि  हुँदैछ । स्पेन समूह ‘बी’ को विजेता रहँदै नकआउट चरणमा प्रवेश गरेको हो भने रसिया समूह ‘ए’ को उपविजेता बन्दै अघिल्लो चरणमा पुगेको थियो ।

स्पेनले समूह चरणको खेलमा  एकमा जित र दुईमा बराबरी गरेको थियो । त्यस्तै, आजै राति हुने अर्को खेलमा क्रोएसियाले डेनमार्कसँग प्रतिस्पर्धा गर्दैछ । 
 
क्रोएसिया समूह ‘डी’  को विजेता बन्दै अन्तिम १६ मा पुगेको थियो भने  डेनमार्क समूह ‘सी’ को उपविजेता बनेको थियो । क्रोएसियाले समूह चरणको तिन वटै खेलमा जित दर्ता गरेको थियो । 

यता डेनमार्कले खेलको ३ खेलमा एकमा जित र दुईमा बराबरी गरेको थियो । यि द्ई टिमविचको खेल निज्नी नोभगोरोड स्टेडियममा नेपाली समयअनुसार आज राति पौने १२ बजे सुरु हुँदैछ ।