फिल्म ‘चक्कर’ को नयाँ गीत सार्वजनिक (भिडियो)

काठमाडौं । चलचित्र 'चक्कर' को नयाँ गीत सार्वजनिक भएको छ । फिल्म युनिटले युट्युबका माध्यमबाट ‘बिहानीको किरणसँगै’ बोलको गीत सार्वजनिक गरेको हो ।

गीतको भिडियोमा ऋचा शर्मा, अर्पण थापा, एवनराज उप्रेती, सिर्जना सुब्बा, स्मृति पोखरेल, भोलाराज सापकोटा अटाएका छन् ।

पुष्प पलान्चोकेले स्वर दिएको गीतमा शब्द र संगीत भने संगम पन्त र पुष्प पलान्चोकेको रहेको छ । गीत रोमान्टिक छ ।

फिल्मलाई अनुष्क रौनियारले निर्देशन गरेका हुन् । साथै फिल्ममा सम्पादन पनि उनकै छ ।

नेशनल मिडिया प्रोडक्सन र केटिएम आर्टसको ब्यानरमा निर्माण यो फिल्मलाई रविन आचार्यले छायांकन गरेका हुन् ।

शुक्रवार ट्रेलर रिलिज गर्ने तयारीमा रहेको यो फिल्म आउँदो साउन ४ गतेबाट प्रदर्शन हुँदैछ ।