अहिले नै सन्यास नलिने: कप्तान रामोस

काठमाडौं । स्पेनिस टिमका कप्तान सर्जियो रामोसले अहिले नै अन्तर्राष्ट्रिय खेल जिवनबाट सन्यास नलिने बताएका छन् । 

कप्तान रामोसले सन् २०२२ मा कतारमा हुने विश्वकप फुटबलमा सहभागि हुने बताएका हुन् ।  प्रि—क्वार्टरफाइनलमा रसियासँग पेनाल्टी सुटआउटमा हार ब्यहोरेपछि स्पेन विश्वकपबाट बाहिरिएको थियो । भेट्रान मिडफिल्डर आन्द्रे इनियस्टाले भने अन्तर्राष्ट्रिय खेल जिवनबाट सन्यास लिएको घोषणा गरिसकेका छन् । कतारमा विश्वकप हुँदा रामोस ३६ वर्षका हुनेछन् तर पनि उनले अहिले नै सन्यास नलिने संकल्प लिएका हुन् । 

रामोसले स्पेनी टिमका लागि सबैभन्दा धेरै १५६ खेल खेलिसकेका छन् ।