यामी गौतमसँग दुरुस्तै अनुहार मिल्ने यी बलिउड अभिनेत्री, सुनाइन यस्ता रोचक किस्सा

काठमाडौं । भारतीय एण्ड टिभीको कल्ट-कमेडी चलचित्र ‘भाबीजी घर पर हैं’ बाट नयाँ अनुहार अनिता भाबीलाई लिएर दर्शकमाझ उत्साह छ । जबदेखि अनिता भाबीको नाम सार्वजनिक भएको छ तबदेखी नै उनका तस्बिरहरु सामाजिक सञ्जालमा भाइरल हुन थालेका छन् । उनीहरुलाई देखेर मानिसहरु अचम्ममा परेका छन् ।

मानिसहरु अचम्ममा पर्नुको कारण अनिता भाबी अभिनेत्री यामी गौतमजस्तै देखिन्छिन् । ‘भाबीजी घर पर हैं’मा अनिता भाबीको भुमिकामा रहेकी अभिनेत्रीको वास्तबिक नाम हो विदिशा श्रीवास्तव । विदिशा सँग सार्वजनिक जीवनमा भेट्ने मानिसहरु प्रायः झुकिने गर्दछन् ।

यामी गौतम जस्तो देखिएकी विदिशा श्रीवास्तव भन्छिन्, ‘यामी गौतमसँग तुलना गर्न पाउनु मेरो लागि ठूलो सम्मानको कुरा हो । उनी एक धेरै प्रतिभाशाली अभिनेत्री हुन् र उनको काम प्रभावशाली छ। यसलाई प्रमाणित गर्नका लागि मानिसहरुले धेरै पटक यस्ता तस्बिहरु सेयर गरेका छन् जसमा म यामी जस्तो देखिन्छु । सुरुमा म अचम्ममा परेँ तर अहिले कसैले यो कुरा औंल्याएपछि म मुस्कुराउँछु। यो तुलना रोचक र एक तरिकाले प्रेरणादायी छ। आखिर, हामी दुवै कलाकार हौं र आफ्नो काममा सक्दो प्रयास गर्छौं।’

विदिशाका अनुसार उनलाई यामी गौतमप्रति धेरै माया र सम्मान छ । विदिशा भन्छिन्, ‘उनी सुन्दर, मेहनती, प्रतिभाशाली र दयालु छिन्। धेरै कमलाई थाहा छ कि मैले उनीसँग साउथ फिल्ममा काम गरेको छु र उनीसँग काम गर्दा निकै रमाइलो भयो । उनी राम्रो अभिनेत्री हुनुका साथै निकै राम्रो मान्छे पनि हुन् । संसारमा हामी सबैजस्तै देखिने ६ देखि ७ जना मानिस रहेको विश्वास गरिन्छ । त्यसोभए, कम्तिमा पनि म जस्तो एक जना पाएकोमा म खुसी छु र म पक्का छु कि यामीले पनि त्यस्तै सोच्नेछिन्।’

टिभीमा अनिता भाबीको रूपमा उनको प्रवेशलाई लिएको अत्याधिक प्रतिक्रियाको बारेमा टिप्पणी गर्दै, विदिशा भन्छिन्, ‘म साँच्चै खुसी छु। यो खबर बाहिर आएदेखि मेरो फोन बज्न छाडेको छैन । कुनै दिन बित्दैन जब कसैले मलाई आफ्नो खुशी र उत्साह देखाउनको लागि मेसेज वा फोन गर्दैन। मेरो नजिकका मानिसहरू धेरै उत्साहित छन् र मलाई उनीहरूको नयाँ अनिता भाबीको रूपमा हेर्न उत्सुक छन्। यो भावना धेरै सुन्दर छ। मैले छायांकन सुरु गरिसकेको छु र मेरा साथीहरू, परिवार र फ्यानहरूले मलाई चाँडै पर्दामा देख्ने कुराले म निकै खुशी छु ।’