आजभोलि बलिउड र हलिउड दुवैमा प्रियंका चोपडा र निक जोनसको चर्चा चलिरहन्छ । भारतमा पनि यो खबर खुबै सुनिन थालेको छ । प्रियंका चोपडा आजभोलि फिल्मका कारणले भन्दा प्रेमका कारण चर्चामा छिन् ।
हालै प्रियंकाले इन्स्टाग्राममा एक स्टोरी पोस्ट गरिन् । जसमा समुन्द्रतर्फ हेर्दै मान्छे उभिएका छन् । गोवाको उक्त तस्वीरमा निक जोनास पनि देखिन्छन् ।
केही दिन पहिले निकले पनि इन्स्टाग्राममा एक भिडियो सार्वजनिक गरेका थिए । जसमा प्रियंका नाच्दै जोनसतिर आइरहेकी हुन्छिन् । उनले लेखेका थिए ‘ओ’ ।
आइतवार साँझ मुकेश अम्बानीका छोरा आकाश अम्बानी र श्लोका मेहताका बिहेको पार्टीमा पनि निक र प्रियंका पुगे । प्रियंकाले सबैसँग जोनसलाई मिलाइरहेकी थिइन् ।
सामाजिक सञ्जाल र मिडियामा आएका तस्वीर र भिडियोले इशारा गरिरहेका छन् कि, प्रियंका र जोनसको लभ अफेयर चलिरहेको छ । दुवैले यी गसिपलाई इन्कार भने गरेका छैनन् । बरु उल्टो इन्स्टाग्राममा तस्वीर शेयर गरिरहेका छन् ।
को हुन् जोनस?
निक जोनस पछिल्लो हप्ता पनि मुम्बईमा थिए र पीपल म्यागजिनले पुष्टि गरेको थियो कि, प्रियंकाकी आमा मधुसँग मिल्न उनी मुम्बई पुगेका थिए ।
निक जोनस र प्रियंकाको भेट कसरी भयो होला? निकोलस जेरी जोनस अमेरिकी गायक, लेखक तथा कलाकार र निर्माता पनि हुन् । उनी सात वर्षका थिए, जब उनले अभिनय शुरु गरेका थिए ।
उनी टेक्सासमा जन्मिएका थिए भने उनले केविनसँग मिलेर ब्याण्ड बनाएका थिए । नाम थियो – जोनस ब्रदर्स ।
उनले आफ्ना भाइसँग मिलेर ब्याण्ड बनाएका थिए । उनले १३ वर्षमै चर्चा कमाएका थिए । सन् २०१५ मा उनले एक फिल्ममा पनि अभिनय गरेका थिए भने सन् २०१९ मा एक साइन्स फिक्सन फिल्ममा पनि उनले काम गरेका थिए ।
निकसँग अहिले झण्डै दुई अर्ब नेपाली रुपैयाँ बराबरको सम्पत्ति भएको बताइन्छ ।
यो खबर पढेर तपाईलाई कस्तो महसुस भयो ?
प्रतिक्रिया