तेस्रो विवाहको हल्लाबारे आमिर खानले खोले मुख, भन्छन्- ‘न त त्यतिबेला कोही, थिए न अहिले कोही छन्’

काठमाडौं । भर्खरै आफ्नो ५७ औं जन्मदिन मनाएका बलिउड अभिनेता आमिर खान सामाजिक सञ्जाल र सार्वजनिक कार्यक्रमबाट टाढा रहन्छन् । मिस्टर परफेक्शनिस्ट आमिर आफ्नो व्यक्तिगत जीवनलाई लिएर निकै चर्चामा छन् । गत वर्ष डिभोर्स भएपछि आमिर निकै चर्चामा थिए ।

अभिनेताको सम्बन्धविच्छेदपछि उनको नाम पनि केही व्यक्तिसँग छाडेको थियो र सम्बन्धविच्छेदको कारणलाई लिएर पनि धेरै अड्कलबाजी गरिएको थियो । यस्तो अवस्थामा हालैको एक अन्तर्वार्तामा आमिर खानले सामाजिक सञ्जालमा चलिरहेको उनीहरुको सम्बन्धको खबरको बारेमा बोलेका छन् ।

एक कुराकानीको क्रममा जब अभिनेता सोधियो कि उनले किरणसँग किन डिभोर्स गरे । यसको जवाफ दिँदै आमिर खानले भने न त त्यतिबेला कोही थिए न अहिले कोही छन् । बलिउड अभिनेता आमिर खान र उनकी दोस्रो पत्नी किरण रावले गत वर्ष आफ्नो १५ वर्ष लामो वैवाहिक सम्बन्धलाई अन्त्य गर्ने निर्णय गरेका थिए। यसै क्रममा आमिर खानले आफ्नी पहिलो श्रीमती रीना दत्तसँगको सम्बन्धविच्छेदको कुरा पनि गरेका थिए ।

आमिर खानले आफ्नो पहिलो सम्बन्ध किरणको कारण नटुटेको बताए । किरणका कारण उनले रीनासँग सम्बन्धविच्छेद गरेका थिएनन् । आमिरले रीनासँग सम्बन्धविच्छेद गर्दा उनको जीवनमा कोही नभएको बताए । यसबाहेक उनले किरणलाई पहिलेदेखि नै चिनेको तर रीनासँग सम्बन्धविच्छेद भएको केही दिनपछि नै दुवै जना साथी बनेको बताए ।

आमिर खान र किरण रावले गत वर्ष जुलाईमा एक संयुक्त वक्तव्यमा आफ्नो सम्बन्धविच्छेदको जानकारी दिएका थिए। उनले यो १५ वर्षमा जीवनभरका अनुभव, खुसी र हाँसो बाँडेको बताए । ‘हाम्रो सम्बन्ध केवल विश्वास, सम्मान र प्रेममा आधारित छ। हामी हाम्रो जीवनको नयाँ भाग सुरु गर्न चाहन्छौं। अब हामी श्रीमान्श्री-मती होइन, सह-अभिभावक र परिवारको रूपमा बाँच्नेछौं। केही समय छुट्टाछुट्टै बस्दै आएका थियौं तर छुट्टिएर बस्दा पनि परिवार जस्तै छौँ ।’

किरण रावसँगको सम्बन्धविच्छेदपछि आमिर खानलाई अभिनेत्री फातिमा सना शेखसँग जोडिन्थ्यो । यद्यपी अभिनेत्रीले यी सबै खबरको खण्डन गरेकी छिन् । अभिनेत्रीले प्रयोगकर्तामाथि आक्रोश व्यक्त गर्दै आमिरको व्यक्तिगत जीवनसँग कुनै सरोकार नभएको बताइन् ।