रोनाल्डोले रियल म्याड्रिड छाडे

स्पेनिस क्लब रियल म्याड्रिडका स्टार खेलाडी क्रिस्टियानो रोनाल्डोले रियल म्याड्रिड छाडेका छन्।
केहि समययता उनले रियल छाड्न लागेको चर्चा चलिरहेको बेला क्लबले यसबारे आाधिकारिक जानकारी दिएको हो ।

रियलले एक विज्ञप्तिमार्फत रोनाल्डो  युभेन्टसमा जान लागेको जनाउँदै यसबारे युभेन्टससँग सम्झौता भएको समेत बताएको छ ।  उनी ८.८ करोड पाउण्डमा युभेन्टस जाने गरी पाँच वर्षका लागि सम्झौता भएको विज्ञप्तिमा उल्लेख छ ।

रोनाल्डोले रियलका लागि ४३८ खेलमा ४५१ गोल गरेका छन् भने क्लबका लागि १६ खेल पनि जिताएका छन् ।