उदयराज पौडेलको आवाजमा ‘ए मेरो हजुर ४’को ‘तिमी र म’ सार्वजनिक

काठमाडौं । प्रदर्शन मिति वैशाख १ नजिकिँदै गर्दा चलचित्र ‘ए मेरो हजुर ४’को नयाँ गीत ‘तिमी र म’ सार्वजनिक भएको छ ।

प्रतीक पौडेलको शब्द र संगीत रहेको यो गीतमा उदयराज पौडेलको आवाज रहेको छ भने ब्याकभोकलमा प्राश्ना शाक्यले साथ दिएकी छिन् ।

रामजी लामिछानेको कोरियोग्राफी रहेको गीतलाई गायक पौडेल स्वयंले एरेञ्ज गरेका हुन् । गीतमा फिल्मका प्रमुख कलाकारद्वय अनमोल केसी र सुहाना थापालाई देख्न सकिन्छ ।

अभिनेत्री झरना थापाले निर्देशन गरेको तेस्रो फिल्म ‘ए मेरो हजुर ४’मा सलोन बस्नेत, रवि गिरी, सरोज खनाल, लुनिभा तुलाधर, रक्षा गौतमलगायतको पनि अभिनय छ । सुनिलकुमार थापाले निर्माण गरेको फिल्ममा मित्र गुरुङको सम्पादन र हिमाल केसीको द्वन्द्व निर्देशन छ ।

निर्देशक तथा अभिनेत्री झरना थापाले लेखेको चलचित्र सुहाना इन्टरटेनमेन्ट र सुनिल कुमार थापा प्रोडक्सनको ब्यानरमा निर्माण भएको हो । फिल्मको पटकथा र संवाद लेखनमा निर्देशक थापालाई छेतेन गुरुङ, मन्दीप गौतम, प्रतीक पौडेल, बाबुराम दाहाल, उपकार पाण्डे र माधव शर्माले साथ दिएका छन् ।

भिडियो हेर्नुहोस् :