काठमाडौं । हलिउड चलचित्रको एसियामा पनि निक्कै चर्चा हुने गरेको छ । हलिउडले जनतामा फरक क्रेज बनाएको छ । दर्शक विशेष गरी हलिउड सिरिजको पर्खाइमा हुन्छन् ।
हलिउडको निकै चर्चित ‘फास्ट एन्ड फ्युरियस १०’ को प्रतीक्षामाफ्यानहरु रहेका छन् । योसँगै अब ‘फास्ट एन्ड फ्युरियस १०’ मा ब्री लार्सनको प्रवेश भएको छ, जसका कारण फ्यानहरु निकै खुसी छन् । अभिनेता भिन डिजोनले यो जानकारी दिएका छन्।
आइतबार, भिन डिजोनले इन्स्टाग्राममा एक पोस्ट गर्दै ‘फास्ट एन्ड फ्युरियस १०’ मा ब्री लार्सनको प्रवेशको घोषणा गरे। यससँगै उनले लार्सनको साथ तस्बिर पनि सेयर गरेका छन् । यो तस्बिरमा दुवै मुस्कुराउँदै देखिएका छन् ।
फिल्ममा भिन डिजेल फेरि एकपटक डोम टोरेटोको भूमिकामा देखिनेछन् । भिनका अतिरिक्त, फिल्ममा मिशेल रोड्रिग्वेज, टायरेस गिब्सन, लुडाक्रिस, सुङ काङ र चार्लिज थेरोनले अभिनय गरेका छन्, जसले ‘द फेट अफ द फ्युरियस’ बाट खलनायक साइफरको भूमिका निर्वाह गरेका छन्। योसँगै जेसन मोमोआ र ड्यानिएला मेल्चियर पनि फिल्ममा संलग्न छन् ।
चलचित्र निर्माता जस्टिन लिनले ‘फास्ट एन्ड फ्युरियस १०’ निर्देशन गर्दैछन् । फिल्म अर्को वर्षको मेमा रिलिज हुँदैछ । चलचित्र ‘फास्ट एन्ड फ्युरियस १०’ यी कलाकारहरुको अन्तिम चलचित्र हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया