जियानफ्रान्को जोला चेल्सीको सहायक प्रशिक्षकमा नियुक्त

इंग्ल्याण्ड । इटालीका पूर्वस्ट्राइकर जियानफ्रान्को जोला चेल्सीमा सहायक प्रशिक्षकका रुपमा फर्किएका छन् । 

चेल्सीले जियानफ्रान्कोलाई नवनियुक्त प्रशिक्षक मोरिजियो सार्रीले सहायक प्रशिक्षकमा नियुक्त गरेका हुन् । उनले सन् १९९६ देखि २००३ सम्म दुई पटक एफए कप फुटबल, युइएफए कप, युईएफए सुपर कप र लिग कपको उपाधी चेल्सीलाई दिलाउन महत्वपूर्ण योगदान दिएका थिए । 

‘चेल्सीमा पुनः फर्किन पाउदा अत्यन्तै खुशी छु । म चेल्सीको सहायक प्रशिक्षकको रुपमा काम गर्न पाउदा प्रशन्न छु’ जोलाले भने । 

सन् २०१७ को अप्रिलमा जोलाले बमिङघमको प्रशिक्षक पदबाट राजिनामा दिएका थिए । साथै, जोला चेल्सीको प्रि—सिजन टुर अन्तर्गत अष्ट्रेलियामा संलग्न हुनेछन् । 

चेल्सीका लागि ३ सय १२ खेल खेलेका जोलाले क्लबका लागि ८० गोल गरेका थिए ।