उठ माया जुरुक्कै नाच फुरुक्कै

काठमाडौं । हिन्दु नारीहरुको महान चाड तीज नजिकिदै गर्दा तीजका गीतहरु धमाधम बजारमा आउने थालेका छन् । यसै अवसर पारेर विक्रम राना र ज्योति मगरको स्वरमा रहेको तीज गीत ‘उठ माया जुरुक्कै नाच फुरुक्कै…’ सार्वजनिक भएको छ ।

करन न्यौपानेको शब्द–सङ्गीत, बिपिन आचार्यको ‘एरेन्जर’ रहेको गीतको भिडियोलाई प्रकाश भट्टले निर्देशन गरेका हुन् । राजेश घिमिरेले छायाँङ्कन गरेको भिडियोलाई विष्णु शर्माले सम्पादन गरेका छन् । विक्रम राना र आरुषी मगरलाई फिचरिङ गरिएको गीतको भिडियो विन्ध्यवासिनी म्युजिक प्रा.लि.ले बजारमा ल्याएको हो ।

आधा दर्जनभन्दा बढी गीतमा मोडलिङ गरेका विक्रमको आफ्नै स्वरमा रहेको यो तीज गीत पहिलो हो ।