इन्काउन्टर हुन सक्छ : डिएसपी प्रकाश सापकोटा

कानून लागू गर्ने सवालमा कुनै पनि व्यक्ति वा समूहले हातहतियार सहित वाधा अवरोध गरेमा इन्काउन्टर हुने इलाका प्रहरी कार्यालय तुलसीपुरका प्रहरी नायब उपरिक्षक प्रकाश सापकोटाले चेतावनी दिएका छन् ।

समग्र तुलसीपुर क्षेत्रको शान्तिसुरक्षा चुनौतीबारे कुराकानी गर्द सापकोटाले गुण्डागर्दी, नदीजन्य तथा वन पैदावारमा आधारित वस्तुहरुको अवैैध चोरी निकासी तथा तस्करी पूर्णरुपमा नियन्त्रणमा आएको बताए ।

प्रत्यक्ष जनसरोकारको विषयमा प्रहरी सकृय रहेको सापकोटाले दावी गरे ।

जुवा तथा जुवाजन्य अपराध साथै लागुऔषध ओसार पसारको लागि तुलसीपुर क्षेत्र संवेदनशील भएको भन्दै सापकोटाले प्रहरीले विशेष अभियान संचालन गरिरहेको दावी गरे । 

जुनसुकै बेला जोसुकै व्यक्तिले बोलाउँदा पनि प्रहरीको उपस्थिति हुने कुरा सापकोटाले बताए ।

नागरीकहरुको जनधनको सुरक्षाकै लागि प्रहरी अहोरात्र रुपमा खट्ने भएकाले जनमैत्री प्रहरी सेवा प्रति

ढुक्क रहन र कुनैपनि घटनाको जानकारी प्रहरीलाई दिन सापकोटाले आग्रह गरे ।