‘कबड्डी ४ः द फाइनल म्याच’ को ट्रेलर रिलिज

काठमाडौं । चलचित्र ‘कबड्डी ४ः द फाइनल म्याच’को ट्रेलर रिलिज भएको छ।

रामबाबु गुरुङको निर्देशनमा बनेको चलचित्रमा दयाहाङ राई र सौगात मल्लको मूख्य अभिनय रहेको छ ।

बाँसुरी फिल्मस्को प्रस्तुतिमा तयार भएको चलचित्रमा दयाहाङ राई, सौगात मल्लसंगै मिरुना मगर, गौमाया गुरुङ, बुद्धि तामाङ, विजय बराल, कमलमणि नेपाल, पुष्कर गुरुङ, कविता आले, जयनन्द लामा, प्रकाश घिमिरे, माओत्से गुरुङ, शरद अधिकारी लगायतका कलाकारको अभिनय छ। चलचित्रमा निर्देशक गुरुङ र उपेन्द्र सुब्बाको कथा लेखन छ।

शैलेन्द्र डी कार्कीले छायांकन गरेको चलचित्रमालाई निमेष श्रेष्ठले सम्पादन गरेका छन् भने चलचित्रमा विशाल गुरुङ, सुष्मा गुरुङ, मधु मिजार र मणिराम पोखरेलको लगानी रहेको छ। ‘कबड्डी’का अघिल्ला तीनवटा सिरिजले बक्स अफिसमा राम्रो व्यापार गरेको थियो।
चलचित्र जेठ १३ गतेबाट हलमा प्रदर्शन हुँदैछ।