काठमाडौं । चलचित्र ‘लाइफ इन एलए’ को ट्रेलर सार्वजनिक भएको छ।
बुधबार राजधानीमा आयोजित एक कार्यक्रमकाबीच चलचित्रको ट्रेलर सार्वजनिक गरिएको हो। सार्वजनिक ट्रेलरमा विदेशमा बस्ने नेपालीको त्रिकोणात्मक प्रेम कथालाई देखाइएको छ।
सूर्य एन श्रेष्ठ निर्देशित चलचित्रमा ब्यास, अकेशा र शिल्पासँगै गौरव पहारी, बुद्धि तामाङ, प्रकाश घिमिरे, लोकेन्द्र लेखकको अभिनय रहेको छ। चलचित्रमा अमेरिकामा बसोबास गर्ने जारेड बिलप्स, साम भुजेल, जयन्द्र चिलुवाल लगायतको पनि अभिनय छ।
ब्यास इन्टरटेनमेन्टको प्रस्तुति रहेको फिल्मलाई ब्यास बिस्सुले निर्माण गरेका हुन् भने संसार सुवेदी कार्यकारी निर्माता रहेको चलचित्रमा अमेरिकाको लागि राजेन्द्र ठकुराठी निर्माताको रुपमा छन्।
चलचित्र आगामी जेठ ६ गतेबाट प्रदर्शन हुँदैछ।
यो खबर पढेर तपाईलाई कस्तो महसुस भयो ?
प्रतिक्रिया