ब्राजिलका माल्कोम बार्सिलोनामा आवद्ध

स्पेन । ब्राजिलका माल्कोम स्पेनी क्लब बार्सिलोनामा आवद्ध भएका छन् । 

उनलाई बार्सिलोनाले ३६ दशलमब ५ मिलियन पाउण्डमा क्लबमा भित्राएका हुन् । २१ वर्षीय माल्कोमले स्पेनिस च्याम्पियनसँग ५ वर्षे सम्झौता गरेका हुन् ।

सोमबारराति  रोमाले माल्कोमलाई ल्याउन बोर्डो क्लबसँग सहमति भएको र छिट्टै मेडिकल हुने बताएको थियो । रोमाका अनुसार अहिलेसम्म कुनै सम्झौता भएको छैन् तर, माल्कोम बार्सिलोना आउने तयारी भइरहेको बताइएको छ । 

मोल्कोमलाई रोमाले ३२ मिलियन पाउण्डमा अनुबन्ध गर्न चाहेको थियो तर, बार्सिलोनाले ३६ दशमलब ५ मिलियन पाउण्ड तिर्न तयार भएको हो ।

सम्भवत बुधबार मेडिकल हुनेछ । ब्राजिलको सिनियर टोलीबाट खेल्न बाँकी नै रहेका उनले लिग वानको ८४ खेलमा २० गोल र १३ गोल असिस्ट गरेका थिए ।