काठमाडौं । यस वर्षको ‘भक्तराज आचार्य राष्ट्रिय संगीत सम्मान’ वरिष्ठ गायिका तिर्थकुमारी र वरिष्ठ संगीतकार शुभबहादुर सुनामलाई प्रदान गरिएको छ । शनिबार ललितपुरको म्याक्सिम्स ब्यांक्वेटमा एक कार्यक्रम गरी उक्त सम्मान प्रदान गरिएको हो ।
भक्तराज आचार्य संगीत प्रतिष्ठान र सिटी एक्सप्रेस मनी ट्रान्सफरको संयुक्त आयोजनामा उक्त सम्मान कार्यक्रम भएको हो ।
नेपाली गीत संगीतको क्षेत्रमा अनवरतरूपमा पुर्याएको योगदानलाई उच्च मूल्याङ्कन गरी गायनतर्फ वरिष्ठ गायिका तिर्थकमारी र वरिष्ठ संगीतकार शुभबहादुर सुनामलाई सम्मान गरिएको प्रतिष्ठानका सञ्चालक तथा लोकप्रिय गायक तथा संगीतकारद्वय सत्य–स्वरूपराज आचार्यले बताए ।
स्रष्टालाई दोसल्ला र ताम्रपत्रसहित ५० र ५० हजार रूपैयाँ नगदसहित सम्मान गरिएको छ ।
भक्तराज आचार्य संगीत प्रतिष्ठानले स्थापनाकालदेखि नै हरेक वर्ष नेपाली गीत–संगीत क्षेत्रका विशिष्ठ योगदान पुर्याएका स्रष्टाहरूलाई सम्मान गर्दै आएको छ ।
यो खबर पढेर तपाईलाई कस्तो महसुस भयो ?
प्रतिक्रिया