काठमाडौं । बलिउडको चर्चित र स्टार जोडी मध्येको एक, हेमा मालिनी र धर्मेन्द्रको जोडी रिल र रियल लाइफ दुवैमा हिट भएको छ । अन-स्क्रिन होस् या अफ-स्क्रिन पार्टनर हेमा र धर्मेन्द्र वास्तवमा सदाबहार जोडी हुन्।
हालै दिग्गज अभिनेता धर्मेन्द्रको स्वास्थ्य बिग्रँदै गएको र उनको अस्पताल भर्नाको खबरले सामाजिक सञ्जालमा हेडलाइन बनेको थियो । यसैबीच आज फेरि उनी चर्चामा छन् । तर, यसपटक अभिनेता आफ्नो विशेष दिनका कारण चर्चामा छन् ।
आज हेमा र धर्मेन्द्रको विवाहको वार्षिकोत्सव हो । यस विशेष अवसरमा बलिउड अभिनेत्रीले आफ्ना पतिलाई विशेष तरिकाले शुभकामना दिएकी छिन्। हेमाले सामाजिक सञ्जालमा धर्मेन्द्रसँगको आफ्नो प्यारो तस्बिर सेयर गर्दै वार्षिकोत्सवको शुभकामना दिएकी छन् ।
सामाजिक सञ्जाल ट्वीटरमा यो तस्बिर सेयर गर्दै निकै प्यारो नोट पनि लेखेका छन् । उनले क्याप्सनमा लेखेकी छिन्, ‘आज हाम्रो विवाहको वार्षिकोत्सवमा, म भगवानलाई यी सबै खुशीका वर्षहरू, हाम्रा प्यारा छोराछोरी, नातिनातिना र हाम्रा शुभचिन्तकहरूलाई सबै ठाउँमा धन्यवाद दिन्छु। म साँच्चै धन्य महसुस गर्छु।
Our wedding anniversary today❤️❤️ I thank God for all these years of happiness, our darling children and grandchildren, our well wishers everywhere! I feel truly blessed🙏🙏 pic.twitter.com/uAsb7Mc5AL
— Hema Malini (@dreamgirlhema) May 2, 2022
यो खबर पढेर तपाईलाई कस्तो महसुस भयो ?
प्रतिक्रिया