‘ओडीआई’ : कप्तान पारसले लिए दोस्रो विकेट

काठमाडौं । नेदरल्याण्ड्सविरुद्धको पहिलो एक दिवसीय खेलमा नेपालका कप्तान पारस खड्काले दोस्रो विकेट लिएका छन् । 

यसअघि नेपालका लागि सोमपाल कामीले पहिलो विकेट लिदैं ’ओडीआई’मा पहिलो विकेट लिने नयाँ रेकर्ड बनाएका छन् । कप्तान पारसले बेन कोपेरलाई एलबिडब्लुमा आउट गरे । बेनले नेदरल्याण्ड्सका लागि १७ बलमा ४ चौका प्रहार गर्दै २० बनाएका थिए । 

यता सोमपालले नेदरल्याण्ड्सका ओपनर ब्याट्सम्यान डिजे टर ब्राकलाई बोल्ड आउट गर्दै यो रेकर्ड बनाउन सफल भएका हुन् ।

नेदरल्याण्ड्सविरुद्ध टस हारेर पहिले बलिङ गरेको नेपालका लागि सोमपालले पहिलो ओभर बलिङ गरेका थिए । उनले २ ओभर बलिङ गर्दै ३ रन खर्चेर १ विकेट लिइसकेका छन् ।