अमेरिका । स्पेनिस क्लब बार्सिलोनाले प्रि—सिजनमा लगातार दोस्रो हार बेहोरेको छ ।
आइतबार बिहान भएको खेलमा बार्सिलोना इटालियन क्लब एसी मिलानसँग १-० गोल अन्तरले पराजित भएको हो । सान्ताक्लारास्थित लेभिस स्टेडियममा भएको खेलमा आन्द्रे सिल्भाले इन्जुरी समयमा गोल गरेपछि बार्सिलोनाले लगातार दोस्रो हार बेहोरेको हो ।
प्रतिस्पर्धात्मक र रोमाञ्चक खेलमा बार्सिलोनाले पनि निर्धारित समयसम्म केहि गोल गर्ने मौका पाएपनि सदुपयोग भने गर्न सकेनन् र खेल १-० ले हार्यो । अब बार्सिलोनाले सेभिल्लासँग खेल खेल्नेछ ।
यसअघि सम्पन्न भएको खेलमा बार्सिलोना इटालियन क्लब रोमासँग ४-२ गोल अन्तरले पराजित भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया