‘ओडीआई’मा नेपालको ऐतिहासिक जित, टोलीको सोमवार भव्य स्वागत गरिँदै

काठमाडौं । नेदरल्याण्ड्स पहिलो एक दिवसीय क्रिकेट ‘ओडीआई’मा पहिलो जित हात पारेको नेपाली क्रिकेट टोली सोमबार स्वदेश फर्कदै छन् । 

नेपाली टोलीका म्यानेजर तथा टेक्निकल एनालिस्ट रमन शिवाकोटीले नेपाली टोली सोमबार बिहान पौने ९ बजे त्रिभुवन विमानस्थलमा उत्रने बताएका छन् । 

नेदरल्याण्ड्सको पहिलो ऐतिहासिक ‘ओडीआई’ श्रृङ्खला अन्तर्गत दोस्रो खेलमा १ रनको रोमाञ्चक जित हात पार्दै नेपालले पहिलो एक दिवसीय खेलमा जित हात पारेको थियो । त्यस्तै, पहिलो खेलमा भने नेपाल ५५ रनले पराजित भएको थियो । 

लर्ड्समा टी—२० को ट्राइ सिरिज र नेदरल्याण्ड्ससँग ‘ओडीआई’ श्रृङ्खला खेलेपछि नेपाली टोली स्वदेश फर्कन लागेको हो । 

नेपाली टोली नेदरल्याण्ड्सको समय अनुसार आइतबार ११ः४० बजे बिहान आम्सटरडर्मबाट जेट एअरवेजमा आउनेछ।