यस्तो छ प्रदीपको फिल्म ‘रोजी’ को गीत (भिडियो)

काठमाडौं । प्रदीप खड्का अभिनित फिल्म ‘रोजी’ को गीत सार्वजनिक गरिएको छ । चलचित्रको गीत युट्युबमार्फत सार्वजनिक गरिएको हो ।

‘फूल हैन’ बोलको गीतमा प्रताप दास र प्रविशा अधिकारीको स्वर छ भने राजेश कुमार श्रेष्ठको शब्द रहेको छ ।

गीतमा फिल्मका मुख्य कलाकार प्रदीप खड्का र मिरुना मगरलाई फिचरिङ गराइएको छ । फरक लुक्समा देखिएका प्रदीप र मिरुनाको केमेष्ट्री स्वीट देखिन्छ ।

चलचित्रमा अलिश कार्कीको संगीत छ भने कविराज गहतराजले कोरियोग्राफी गरेका हुन् ।

चलचित्रको कुरा गर्ने हो भने ‘रोजी’ लाई केदार भुसालले लेखेका हुन् । त्यस्तै फिल्मलाई निरक पौडेलले निर्देशन गरेका हुन् भने आरोही केसी र आर्या पौडेल निर्माता रहेका छन् ।

चलचित्र भदौ २२ गतेबाट प्रदर्शनमा आउँदैछ ।