काठमाडौं । ब्राजिलका मिडफिल्डर बर्नाड इंग्लिस क्लब एभर्टन आवद्ध भएका छन् ।
एभर्टनले बर्नाडलाई युक्रेनी क्लब साख्तर डोनेस्कबाट स्वतन्त्र मुल्यमा अनुबन्ध गरेको हो ।
२५ वर्षीय बर्नाडलाई इंग्लिस क्लब चेल्सी, वेस्टह्याम र एसी मिलानले पनि अनुबन्ध गर्ने प्रयास गरेको थियो । तर, उनी एभर्टनमा आउन सहमत भएको हो । मर्सिसाइड क्लब एभर्टनमा आउनुअघि बर्नाडको मंगलबार गुडिसन पार्कमा मेडिकल हुनेछ ।
सन् २०१३ मा बर्नाड ब्राजिली क्लब एट्लेटिको मिनिरोबाट ४० मिलियन पाउन्डमा साख्तर डोनेस्कमा ५ वर्षको लागि अनुबन्ध भएको थियो ।
बर्नाडले साख्तर डोनेस्कबाट १ सय ५७ खेल खेल्दै २८ गोल गरेका थिए । त्यस्तै, उनले एट्लेटिको मिनिरोबाट सन् २०१२ र २०१३ मा क्याम्पपियोनाटो मिनिरो कप तथा कोपा लिवर्टोेडोरेस जितेका थिए ।
बर्नाडले सन् २०१२ मा ब्राजिली टिममा डेब्यु गरेका थिए । ब्राजिलले २०१३ को फिफा कन्फेडेरेसन कप जित्दा उनी टोलीका महत्वपूर्ण सदस्य थिए ।
यो खबर पढेर तपाईलाई कस्तो महसुस भयो ?
प्रतिक्रिया