काठमाडौं, २४ साउन – फिल्म ‘कथा काठमाडौं’ को नयाँ गीत सार्वजनिक भएको छ । फिल्म टिमले युट्युबमार्फत गीत सार्वजनिक गरेको हो ।
‘जुन अनि तारा’ बोलको गीतमा सुगम पोखरेलले स्वर रहेको छ । त्यस्तै दिपेश सु्ब्बाले संगीत दिएका छन् भने मोहित मुनालले गीतको एरेन्ज गरेका छन् । यसअघि फिल्म युनिटले रिलिज गरेको क्लबको गीत विवादमा तानिए पनि यो गीतले भने सकारात्मक प्रतिक्रिया पाइरहेको छ ।
केही समय पहिले रिलिज गरेको गीतले नकारात्मक प्रतिक्रया पाएको थियो ।
सार्वजनिक गरिएको गीतमा संजोग कोइराला र सन्ध्या जोशीलाई कलेज विद्यार्थीका रुपमा देखाइएको छ । फिल्ममा आयुष्मान जोशी, प्रियंका कार्की, प्रमोद अग्रहरी लगायतकाले पनि अभिनय गरेका छन् ।
संगीता श्रेष्ठले निर्देशन गरेको यो फिल्मलाई मित्र डी गुरुङले सम्पादन गरेका हुन् । साथै लुज सिंहले छायांकन गरेका हुन् भने फिल्मलाई विजय राईले निर्माण गरेका हुन् । फिल्ममा निर्देशक श्रेष्ठकै कथा रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया