इंग्ल्याण्ड । इंग्लिस प्रिमियर लिग फुटबलको शुक्रवारदेखि नयाँ सिजन शुरु हुँदैछ ।
युरोपको प्राय सबैजसो क्लबले बिहीवारदेखि करिव ९ महिनासम्म सञ्चालन हुने लिगको शुरुवात गर्दैछन् ।
युरोपको चर्चित लिग इंग्लिस प्रियिमर लिग र फ्रेन्च लिग वान बिहीवारदेखि शुरु हुँदैछन् भने स्पेनिस ला लिगा र इटालियन सिरि ए अर्को साताबाट शुरु हुनेछ । यता, जर्मन लिग बुन्डेसलिगा भने दुई सातापछि शुरु हुनेछ ।
इंग्लिस प्रिमियर लिग अन्तर्गत बिहीवारराति हुने उद्घाटन खेलमा म्यान्चेस्टर युनाइटेडले लेस्टर सिटीको सामना गर्दैछ ।
‘म्यान्यु’ को घरेलु मैदानमा ओल्ड ट्राफोडमा हुने यि दुई क्लबविचको खेल नेपाली समयअनुसार बिहीवारराति १२ः४५ बजेपछि शुरु हुँदैछ । यो सिजनको प्रिमियर लिगमा तीन नयाँ क्लबहरु थपिएका छन् ।
फुलह्याम, कार्डिफ सिटी र वुल्भेस रहेका छन् ।
गत सिजनको दोस्रो श्रेणीको लिग च्याम्पियनसिपमा उत्कृष्ट प्रदर्शन गर्दै यी तीन नयाँ क्लबले प्रिमियर लिगमा स्थान बनाएका हुन् ।
त्यस्तै, शनिवार सवा ५ बजे न्यूक्यासल र टोट्नह्याम आमने—सामने हुँदैछन् । गत सिजनको प्रिमियर लिगको उपाधि म्यान्चेस्टर सिटीले जितेको थियो । स्वान्से सिटी, स्टोक र वेस्टब्रम गत सिजनमा खराब प्रर्दशन गर्दै रेलिगेसनमा परेको थियो ।
त्यस्तै, बिहीवारराति नै शुरु हुने फ्रान्सेली लिग वानको उद्घाटन खेलमा ओलम्पिक मार्सेली र टोलोज भिड्दैछ । यि दुई क्लबबीचको खेल बिहीवारराति साढे १२ बजेपछि शुरु हुँदैछ ।
इंग्लिस प्रिमियर लिगको साताभरिको खेल तालिका :-
यो खबर पढेर तपाईलाई कस्तो महसुस भयो ?
प्रतिक्रिया