काठमाडौं । भुटानमा जारी यू-१५ महिला साफ च्याम्पियनसिप अन्तर्गत नेपाल समूह ‘बी’ को उपविजेता बन्दै सेमिफाइनलमा प्रवेश गरेको छ ।
चाङलीमिथाङमा स्टेडियममा सोमवारराति सम्पन्न भएको समूहको अन्तिम खेलमा नेपाल डिफेन्डिङ च्याम्पियन बंगलादेशसँग ३-० गोल अन्तरले पराजित हो । एक खेलमा जीत र एकमा हार बेहोरेको नेपाल समूहमा तीन अंक जोड्दै अन्तिम चारमा प्रवेश गरेको हो ।
एक पक्षिय रहेको खेलमा नेपालले निर्धारित समयसम्म केही गोल गर्ने मौका पाएपनि सदुपयोग भने गर्न सकेन र खेलमा तीन-शुन्यको पराजय बेहोर्यो ।
त्यस्तै, दुई खेलमा जीत हात पादै बंगलादेश समूह ‘बी’ को विजेता बन्दै सेमिफाइलनमा प्रवेश गरिसकेको छ । अब बिहीवार फाइनल प्रवेशको लागि नेपालले भारतको सामना गर्नेछ । त्यस्तै, बंगलादेशले आयोजक भुटानसँग प्रतिस्पर्धा गर्नेछ ।
यसअघि नेपालले पहिलो खेलमा पाकिस्तानलाई ४-० गोलले पराजित गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया