काठमाडौं । पछिल्लो समय चर्चामा रहेको फिल्म ‘इन्टु मिन्टु लण्डनमा’ को नयाँ गीत सार्वजनिक गरिएको छ ।
‘लण्डनमा’ बोलको गीतमा लण्डनको शहरको चर्चा र मान्छेको जीवनीलाई प्रस्तुत गरिएको छ । लोक शैलीको गीत रोमान्टिक खालको छ भने गीतमा खास गरी अभिनेता धिरज मगर नै मुख्य भूमिकामा देखिएका छन् ।
गीतमा सुजिल कर्माचार्यको शब्द तथा स्वर रहेको छ ।
भिडियोमा धिरज गायकका रुपमा देखिएका छन् ।
त्यस्तै साम्राज्ञी राज्यलक्ष्मी शाहलाई पनि फिचरिङ गराइएको छ गीतको भिडियोमा । फिल्मको कथाअनुसार यो फिल्म लण्डनमा भेटिने दुई पात्रको कथामा आधारित छ । चलचित्रलाई रेनाशा वान्तवा राईले निर्देशन गरेकी हुन् । यसअघि उनको परिचय कोरियोग्राफीमा सीमित थियो । अहिले भने उनी चर्चामा छिन् ।
यो खबर पढेर तपाईलाई कस्तो महसुस भयो ?
प्रतिक्रिया