काठमाडौं । चलचित्र ‘द ब्रेकअप’ निर्माण टिमले आफ्नो फिल्मको छायांकन सकिएको घोषणा गरिएको छ । साथै फिल्म युनिटले रिलिज मिति पनि घोषणा गरेको छ । इन्ड क्ल्याप पार्टीसँगै निर्माण युनिटले पत्रकार भेटघाट कार्यक्रमको आयोजना गरिएको थियो ।
निर्धारित समयभन्दा निकै ढिलो शुरु भएको कार्यक्रममा फिल्म युनिट र अन्य सेलिब्रेटी कलाकारको उपस्थिति थियो । भदौमै रिलिज गर्ने भनिएको यो फिल्मले अब भने नयाँ मिति सार्वजनिक गरेको छ ।
चलचित्रका निर्देशक हेमराज बिसीले चलचित्रको प्राविधिक काम नसकिएको भन्दै पुस २७ गतेलाई रिलिज मिति घोषणा गरे । ‘प्राविधिक रुपमा फिल्मलाई पूर्वघोषित समयमा रिलिज गर्न सकिएन, पुस २७ मा रिलिज हुने भएको छ ।’, उनले भने ।
त्यस्तै कार्यक्रममा फिल्मका मुख्य कलाकारको पनि उपस्थिति रहेको थियो । मुख्य कलाकारहरुले फिल्ममा काम गर्दा रमाइलो अनभुव बटुल्न पाएको बताए ।
केही दिनअघि फिल्मबाट अर्का निर्माता रोहित अधिकारीले हात झिकेका थिए । यसबारेमा बोल्दै फिल्मका निर्देशक हेमराज बिसीले आपसी सम्झौतामा फिल्मबाट रोहित अधिकारी बाहिरिएको बताए ।
चलचित्रमा आशिरमान देशराज जोशी, शिल्पा मास्के, इच्छा कार्की, सरोज खनाल, रेमनदास श्रेष्ठ लगायतका कलाकारले अभिनय गरेका छन् । फिल्ममा लभस्टोरी कथा समेटिएको छ ।
यो खबर पढेर तपाईलाई कस्तो महसुस भयो ?
प्रतिक्रिया