‘युइएफए’को उत्कृष्ट गोल उपाधि होडमा रोनाल्डो

इंग्ल्याण्ड । पोर्चुगलका स्टार स्ट्राइकर क्रिस्टियानो रोनाल्डोको गोल ‘युइएफए’ सिजनको उत्कृष्ट गोलमा मनोनित भएको छ ।

रोनाल्डोसँगै इंग्ल्याण्डका लुसी ब्रोन्ज र इलिओट एमब्लेटनको गोल पनि मनोनित भएको छ । गत सिजन च्याम्पियन्स लिगको क्वाटरफाइनलमा पूर्व रियल म्याड्रिडका खेलाडी रोनाल्डोले युभेन्ट्सविरुद्ध उत्कृष्ट गोल गरेका थिए । 

त्यस्तै, लुसीले म्यान्चेस्टर सिटीविरुद्ध भएको खेलमा लियोनका लागि गोल गरे । एमब्लेटनले युरोपेली ‘यू–१९’ च्याम्पियनसिपमा टर्कीविरुद्ध समूह चरणमा उत्कृष्ट गोल गरेका थिए ।

पछिल्लो १२ महिनामा ‘युइएफए’ च्याम्पियनसिपको ११ गोलबाट उत्कृष्ट तीन गोलको छनोट गरेको हो ।