महेन्द्रनगर र कञ्चनपुरमा डिसहोम फाइवरनेटको शोरूम

काठमाडौं । नेपालभर इन्टरनेट सेवा विस्तार गरिरहेको डिसहोम फाइवरनेटले महेन्द्रनगर, कञ्चनपुरमा सहवितरण शोरूमको शुभारम्भ गरेको छ ।

जेठ १९ देखि डिसहोम फाइबरनेट बिक्री तथा बिक्रीपछिको सेवा प्रदान गर्न सुरु गरिएको सो शोरूमको सञ्चालन नव दुर्गा पशुपालन तथा कृषि फार्मले गर्नेछ ।

शोरूम समुद्घाटनमा डिशहोमका तर्फबाट पूर्वी क्षेत्रीय सेल्स म्यानेजर निर्मल आर्चाय र सेल्स अफिसर कमल रिमालको उपस्थिति रहेको थियो भने डिलरका तर्फबाट र डिलरका म्यानेजर जगदिश भट्टको उपस्थिति रहेको थियो ।

विगत लामो समयदेखि डिश मिडिया नेटवर्कसँग सहकार्य गरी डिशहोमको डीटीएच सेवा ग्राहकहरुमाझ पुर्याउँदै आएका नवदुर्गा पशुपालन तथा कृषि फार्मले अब डिसहोम फाइबरनेट बिक्री र बिक्रीपछिको सेवा नयाँ शोरूममार्फत दिनेछ ।

३ सयभन्दा धेरै ग्राहकलाई डिशहोम फाइबरनेटको सेवा उपलब्ध गराइसकेका नवदुर्गा पशुपालन तथा कृषि फार्मले अब अझ बढी ग्राहकहरुको माझ पुग्नको लागि पनि यस नयाँ शोरूमले मद्दत गर्ने नव दुर्गा पशुपालन तथा कृषि फार्मले सञ्चालकले जानकारी दिए ।