मोरङ । आगामी भदौं २३ बाट मोरङमा दोस्रो लक्ष्मी मार्ग गोल्ड कप फुटबल प्रतियोगित हुने भएको छ ।
डाङगीहाट फुटबल क्लब मोरङको आयोजनामा हुन लागेको यो प्रतियोगिता आठ वटा टिमको सहभागिता रहने क्लबका अध्यक्ष बिक्रम राईले बताए ।
साथै, अध्यक्ष राई यो प्रतियोगिताको लागि भारतिय क्लब पनि सहभागि हुने जानकारी दिए ।
प्रतियोगितामा मोफसलका आयोजक डाङगीहाट क्लब, मोरङ फुटबल एकाडेमी, युनाइटेड कुर्सोङ भारत, इलाम ११, बिर्तामोड क्लब, धनकुटा क्लब, उदयपुर ११ र चर्च ब्वाइज युनाइटेडले क्लबले भाग लिनेछन् ।
प्रतियोगिताको विजेताले २ लाख २२ हजार रुपैयाँ प्राप्त गर्नेछन् । त्यस्तै, उपविजेता बन्ने क्लबले १ लाख २ हजार रुपैयाँ जित्नेछन् ।
प्रतियोगिताको उत्कृष्ट गोल गर्ने खेलाडीले १० हजार तथा प्रत्येक खेलको म्यान अफ दी म्याचले ५ हजार रुपैयाँ हात पार्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया