एथलेटिक्स खेलाडीसहितको टोली इन्डोनेशिया प्रस्थान

काठमाडौं । इन्डोनेशियामा आयोजना हुने १८ औँ एशियाली खेलकुदमा सहभागी हुन जाने एथलेटिक्स टोलीलाई काठमाडौं जिल्ला एथलेटिक्स संघले शुक्रबार बिदाई गरेको छ ।

एशियाली खेलमा एथलेटिक्समा ४ पुरुष र दुइ महिला खेलाडीहरुले सहभागिता जनाउने छन् । प्रस्थान गर्ने खेलाडीहरुमा पुरुषतर्फ यम साजन सुनार, गोपी चन्द्र पार्की, कृष्ण बस्नेत र सोम बहादुर कुमाल तथा महिलातर्फ सरस्वती भट्टराई र विश्वरुपा बुढा रहेका छन् ।

टिम ब्यवस्थापकमा राष्ट्रिय खेलकुद परिषद्की सदस्य शान्ति सिंह र प्रशिक्षकमा अमिरी प्रसाद यादव रहेका छन् । एथलेटिक्स खेलाडीहरुले भाद्र ९ गते देखि ११ गते प्रतिस्पर्धा गर्नेछ ।