काठमाडौं । काठमाडौं महानगरको कार्यपालिका सदस्यमा ८ जना प्रतिनिधि निर्वाचित भएका छन् ।
राष्ट्रिय सभा गृहमा मंगलबार भएकाे निर्वाचनबाट नेपाली कांग्रेसका ६, नेकपा माओवादी केन्द्र र नेकपा एकीकृत समाजवादीका १/१ उम्मेदवाहरु निर्वाचित भएका हुन् ।
योसँगै ४२ सदस्यीय कार्यपालिकामा कांग्रेसले बहुमत हासिल गरेको छ । अब काठमाडौं महानगरको कार्यपालिकामा नेपाली कांग्रेसबाट २५ जना एमालेबाट उपमेयरसहित १३ जना प्रतिनिधित्व गर्ने छन् ।
त्यस्तै एकीकृत समाजवादीका २ र माओवादीका १ जनाले पनि कार्यपालिकामा प्रतिनिधित्व गर्नेछन् ।
आज भएकाे कार्यपालिका सदस्य निर्वाचनमा मेयर बालेन साह , उपमेयर सुनिता डंगोलसहित १६० जना सदस्यले मतदान गरेका थिए ।
निर्वाचित जनप्रतिनिधिलाई बुधबार दिउँसो १ बजे प्रमाण पत्र वितरण गर्ने कार्यक्रम छ ।
यो खबर पढेर तपाईलाई कस्तो महसुस भयो ?
प्रतिक्रिया