एजेन्सी । भारतको केरला राज्यमा आएको बाढी तथा पहिरोमा परी मृत्यु हुनेको संख्या ३२४ पुगेको छ ।
यो शताब्दीकै खराब बाढीका भनिएको छ ।
केरलामा विगत १० दिनदेखि निरन्तर वर्षा भइरहेको छ । जुन विगत १ सय वर्षयताकै ठूलो भएको बताइएको छ । खासगरी केरलाका १३ जिल्ला बाढी तथा पहिरोबाट प्रभावित छन् ।
झण्डै २ लाख बाढीका कारण विस्थापित भएका छन् । उनीहरुलाई सुरक्षित स्थानमा आश्रय दिएर राखिएको छ ।
बाढीले कारण उक्त क्षेत्रको खेतीवाली पनि प्रभावित भएको छ ।
त्यहाँको मौसम विभागले वर्षा अझै केही दिन जारी रहने भएकाले सतर्क रहन आग्रह गरेको छ ।
वर्षापछि सडकसँगै हवाई उडान समेत प्रभावित भएका छन् । केरलाको मुख्य विमानस्थल २६ अगस्टसम्म बन्द हुने अपेक्षा गरिएको छ ।
भारतीय प्रधानमन्त्री नरेन्द्र मोदी उक्त राज्यमा देखिएको विपद्को अवस्था हेर्न गएको बीबीसीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया