सिन्सीनाटी टेनिसको उपाधि जोकोभिचलाई

सिन्सीनाटी । पूर्व विश्व नम्बर एक सर्बियाली नोभाक जोकोभिचले सिन्सीनाटी मास्र्टस टेनिस च्याम्पियनसिपको उपाधि जितेका छन् । 

आइतवारराति सम्पन्न भएको मेन्स सिङगल्सतर्फको फाइनल खेलमा सर्बियाली जोकोभिचले स्विस रोजर फेडेररलाई २-० को सोझो सेटमा पराजित गर्दै उपाधिमाथि कब्जा जमाएका हुन् ।

फाइनल खेल अन्तर्गत जोकोभिचले खेलको पहिलो सेट ६-४ ले आफ्नो पक्षमा पारे । ३१ वर्षे जोकोभिचले यो च्याम्पियनसिपको सात पटकका विजेता फेडेररलाई दोस्रो सेटमा पनि ६-४ ले नै हराए ।

सिन्सीनाटी टेनिसको पाँच पटकका उपविजेता जोकोभिच फेडेररसँग यसै प्रतियोगिताको तीन संस्करणको फाइनलमा पराजित भएका थिए ।

विम्बल्डन च्याम्पियन जोकोभिचले पहिलो पटक सिन्सीनाटीको उपाधि जित्दा निक्कै खुशी लागेको बताए । 

यो उपाधिसँगै जोकोभिचले करियरको ९९ औं उपाधि जित्दै नयाँ रेकर्ड समेत बनाएका छन् ।