काठमाडौं । नेपाली युवा बलर सन्दिप लामिछानेले क्यारेवियन प्रिमियर लिग ‘सिपीएल’मा दुई विकेट लिएका छन् ।
बुधवार भएको खेलमा उनले उत्कृष्ट बलिङ गर्दै २ विकेट लिएका हुन् । कायरन पोलार्डको कप्तानीमा रहेको सेन्ट लुसिया स्टार्स विरुद्धको खेलमा सन्दिपले २ ओभरमा २ विकेट लिए ।
‘सिपीएल’मा उत्कृष्ट प्रदर्शन गरिरहेका सन्दिपले सेन्ट लुसिया विरुद्धको खेलमा उत्कृष्ट खेल प्रर्दशन गरे । सन्दिपले दुई ओभरमा मात्र १२ रन दिएर दुई विकेट लिएका थिए । उनले पहिलो विकेटमा डेविड वार्नरलाई पभेलियनमा फर्काए ।
त्यस्तै, क्वेस अहमदलाई पनि आउट गरे । जारी प्रतियोगिताको चार खेलमा उनले सात विकेट लिइसकेका छन ।
यसअघि उनले एमाजोनाविरुद्ध दुई, टी एण्ड टी राइटर्सविरुद्ध एक र तालावाजविरुद्ध दुई विकेट लिन सफल भएका थिए । जारी प्रतियोगितामा सन्दिप सहभागी टिमले दोस्रो जित हात पारेको छ ।
यो खबर पढेर तपाईलाई कस्तो महसुस भयो ?
प्रतिक्रिया