जंगलमा लगेर १३ वर्षीय बालिकामाथि बलात्कार

काठमाडौं । घर लगिदिने प्रलोभनमा पारेर १३ वर्षीय बालिकाको बलात्कार भएको छ । गोरखा घर भई ललितपुरको नख्खुस्थित एक घरमा काम गरेर बस्ने बालिकालाई गोदावरी जंगलमा लगेर बलात्कार गरेको प्रहरी स्रोतले बताएको छ ।

स्थानीयले बलात्कारका शिकार भएकी बालिकालाई महानगरीय वृत्त, सातदोबाटो ल्याएर प्रहरीलाई बुझाएका थिए । प्रहरी स्रोतका अनुसार मेडिकल रिपोर्टले बालिका बलात्कारको शिकार भएको पुष्टि गरेको छ ।

बलात्कार गर्ने युवक फरार भएको र खोजी कार्य जारी रहेको प्रहरीले जनाएको छ ।

घटनाको थप अनुसन्धान भइरहेको छ ।