इंग्लिस प्रिमियर लिगमा लिभरपुलको विजयी यात्रा कायमै

इंग्ल्याण्ड । इंग्लिस प्रिमियर लिग फुटबल अन्तर्गत लिभरपुलले लगातार तेस्रो जीत हात पारेको छ । 

आफ्नो घरेलु मैदान एनफिल्डमा शनिवारराति सम्पन्न भएको खेलमा लिभरपुलले ब्राइटन एण्ड होभ आल्बियोनलाई १-० गोल अन्तरले पराजित गरेको हो ।

लिभरपुलका लागि मोहम्मद सलाहले गरेको एक मात्र गोल नै निर्णायक बनेको थियो । उनले खेलको २३ औँ मिनेटमा गोल गरेका थिए । प्रतिस्पर्धात्मक र रोमाञ्चक बनेको खेलमा आल्बियोनले पनि केही गोल गर्ने मौकालाई सहि सदुपयोग गर्न नसक्दा खेलमा हार बेहोरेको हो ।

जीतपछि ३ खेलबाट ९ अंक बनाएको लिभरपुल लिगको शीर्ष स्थानमा उक्लिएको छ । समान खेलबाट ९ अंक बनाएको म्यान्चेस्टर सिटी दोस्रो स्थानमा छ ।