स्पेन। ला लिगाले रियल भाल्लाडोलिडको खेल मैदान चेकजाँच गर्ने भएको छ ।
गत शनिवार भएको बार्सिलोनासँगको खेलका दौरान मैदानको घास उक्किएको भन्दै ला लिगाले मैदानको चेकजाँच गर्ने भएको हो । सो खेलमा रियल भाल्लाडोलिड बार्सिलानोसँग १—० गोल अन्तरले पराजित भएको थियो ।
बार्सिलोका मिडफिल्डर सर्जियो बुस्केटसले भाल्लाडोलिडसँगको खेल खेल्न निक्कै गाह्रो भएका बताए ।
‘त्यो मैदान त समुन्द्री तट जस्तै छ । मैदानमा खेल खेल्ने क्रममा घाँस सबै उक्किएको थियो । ला लिगाको प्रतिनिधि आएर त्यो मैदानको घाँसको चेकजाँच गर्नुपर्छ ।’ उनले भने ।
बार्सिलोनाका डिफेन्डर जेरार्ड पिकेले पनि आफुहरुको अपमान भएको बताए ।
‘आशा गरौं यस्तो मैदानमा कहिल्यै खेल्नु पर्ने वातावरण नआओस् । यस्तो मैदानमा खेल खेल्दा हामीहरुको अपमान गरेको जस्तो लाग्यो ।’ उनले बताए ।
ला लिगाले एक विज्ञप्ति जारी गर्दै मैदान जाँच गरिरहेको जानकारी दिएको छ ।
यो खबर पढेर तपाईलाई कस्तो महसुस भयो ?
प्रतिक्रिया