फ्राइडे रिलिज : ‘मेरो मामू’ हलमा

काठमाडौं । आज शुक्रवारदेखि काठमाडौंमा नेपाली चलचित्र ‘मेरी मामु’ रिलिज हुँदैछ । ११ वर्षीय आयुब सेनले मुख्य भूमिका निभाएको यो फिल्मलाई आमा छोराको प्रेमका रुपमा हेरिएको छ ।

रिलिजअघि चर्चामा रहेको यो सिनेमालाई यम थापाले निर्देशन गरेका हुन् भने लेखन पनि निर्देशक थापाकै रहेको छ । फिल्मलाई सन्तोष सेनले निर्माण गरेका हुन् ।

चलचित्रमा सारुक ताम्राकार, कुसुम गुरुङ, अश्लेषा ठकुरी लगायतका कलाकारले अभिनय गरेका छन् । फिल्मको गीत र ट्रेलरले राम्रै चर्चा पाएको छ ।

यस्तै, सिनेमा घरमा ‘नाइँ नभन्नू ल ५’ दोस्रो हप्तामा चलिरहेको छ ।  अनुभव रेग्मी र सेड्रिना शर्माको मुख्य भूमिका रहेको यो फिल्मले दर्शकले चित्त बुझाएको तर समीक्षात्मक रुपमा भने यो चलचित्रले खासै राम्रो प्रतिक्रिया पाएन ।

आजैदेखि हिन्दी फिल्म ‘स्त्री’ पनि रिलिज हुँदैछ । जुन चलचित्रमा राजकुमार राव र श्रद्धा कपूरको मुख्य भूमिका छ ।