चलचित्र ‘सम्झना बिर्सना’ को दोस्रो ट्रेलर सार्वजनिक

काठमाडौं । चलचित्र ‘सम्झना बिर्सना’ को दोस्रो ट्रेलर सार्वजनिक भएको छ।

सार्वजनिक ट्रेलरमा अभिनेता आकाश श्रेष्ठ, अभिनेत्री पूजा शर्मा र छुल्ठिम गुरुङबीचको त्रिकोणात्मक प्रेम देख्न सकिन्छ ।

चलचित्रलाई निमेष प्रधानले निर्देशन गरेका हुन् भने आदित्य प्रधान र रेविका प्रधानको निर्माण रहेको छ ।

चलचित्रमा आकाश, पूजा र छुल्ठिमसँगै सुनिल थापा, शिशिर राणालगायत कलाकारहरूको पनि अभिनय रहेको छ। चलचित्रको कथा तथा पटकथा निर्देशक निमेष प्रधान स्वयंले तयार पारेका हुन्।

शिव ढकालले छायांकन गरेको चलचित्रलाई तारा थापा ‘किम्भे’ले सम्पादन गरेका छन् भने कमल राईको कोरियोग्राफी रहेको छ।

असार ३१ गतेबाट प्रदर्शन हुने यो चलचित्रको वितरण आरआर फिल्म्सले गर्दैछ।