पिकअप अनियन्त्रित भई पल्टिँदा एक जनाको मृत्यु

काठमाडौं । सिन्धुलीमा पिकअप भ्यान दुर्घटना हुँदा एक जनाको मृत्यु भएको छ । जिल्लाको सुनकोसी गाउँपालिका–६ सितलपाटीस्थित सडकमा बागमती प्रदेश–०१–०२५ च १९५३ नम्बरको पिकअप भ्यान बुधबार बिहान अनियन्त्रित भइ पल्टेको हो ।

भ्यान सडकबाट करिब १ सय ५० मिटर तल खसेको थियो । दुर्घटना परी चालक सिरहा बिसनपुरकट्टी बस्ने २९ वर्षीय बलबहादुर लामाको घटनास्थलमै मृत्यु भएको छ । सोही दुर्घटनामा पिकअपका सहचालक सामान्य घाइते भएको प्रहरीले जनाएको छ ।