काठमाडौं । अमेरिकामा समेत रिलिज हुने फिल्म ‘द म्यान फ्रम काठमाडौं’ को ट्रेलर सार्वजनिक भएको छ । ट्रीसिटी स्टुडियोले युट्युबमार्फत नेपाली र अङ्ग्रेजी गरी दुई ट्रेलर एकसाथ सार्वजनिक गरेको हो ।
चलचित्रको ट्रेलरमा नेपाली तथा विदेशी कलाकारलाई पनि देखाइएको छ । आइतवार अमेरिकाको सिकागोमा आयोजित नेपाली नेसनल कन्भेन्स २०१८ मा पनि ट्रेलर सार्वजनिक गरिएको थियो ।
काठमाडौं र अमेरिकाको लस एन्जल्समा छायांकन भएको यो फिल्मलाई पेमा धोन्डुपले निर्देशन गरेका हुन् ।
चलचित्रमा अमेरिकी कलाकार जोसे म्यानुअल, बलिउडका कलाकार गुल्सन ग्रोबर, पाकिस्तानका कलाकार हमिद शेख, नेपाली कलाकार नीर शाह, आना शर्मा, शिशिर वाङ्देल, कर्म शाक्य लगायतका कलाकारले अभिनय गरेका छन् ।
चलचित्रले अतिवादी सोच भएको एक हिन्दू–मुस्लिम युवकको कथा भन्छ ।
यो खबर पढेर तपाईलाई कस्तो महसुस भयो ?
प्रतिक्रिया