काठमाडौं । खगेन्द्र लामिछानेद्वारा निर्देशित चलचित्र ‘पानीफोटो’को ट्रेलर सार्वजनिक भएको छ।
सोमबार (हिजो) काठमाडौंमा पत्रकार सम्मेलन गरि चलचित्रको ट्रेलर सार्वजनिक गरिएको हो ।
चलचित्रमा सशस्त्र द्वन्द्वमा बेपत्ता छोरा खोज्ने यात्रामा निस्किएको दम्पतीको कथा देखाइएको छ।
२ मिनेट ४५ सेकेन्डको ट्रेलरमा अनुप बराल, मेनुका प्रधान, मलिका महत र खगेन्द्र स्वयंको मूख्य भूमिका रहेको छ भने चलचित्रमा रमेश अधिकारी, प्रकाश घिमिरे, माओत्से गुरुङ, बुद्धि तामाङ, कमलमणि नेपालको अभिनय छ।
खगेन्द्रकै कथा रहेको चलचित्रलाई मञ्जुश्री प्रोडक्सनले निर्माण गरेको हो। चलचित्रलाई दीपक बज्राचार्यले खिचेका हुन् भने निमेष श्रेष्ठले सम्पादन गरेका हुन्।
खगेन्द्र यही चलचित्रमार्फत निर्देशनमा अघि बढेका हुन्।
चलचित्र साउन १३ गते रिलिज हुने छ ।
यो खबर पढेर तपाईलाई कस्तो महसुस भयो ?
प्रतिक्रिया