जर्मनी । युएइएफए नेशन्स लिगको पहिलो खेलमा विश्व विजेता फ्रान्सलाई जर्मनीले गोलरहित बराबरीमा रोकेको छ ।
बिहीवार राति सम्पन्न भएको खेलमा जर्मनीले फ्रान्ससँग गोलरहित बराबरी खेलेको हो । क्रोशियालाई फाइनलमा पराजित गर्दै विश्वकपको उपाधि जितेको फ्रान्स पहिलो पटक युइएफए नेशन्स लिगको खेलमा मैदानमा उत्रेका हुन् ।
निक्कै प्रतिस्पर्धात्मक र रोमाञ्चक खेलको पहिलो हाफसम्म दुवै टिम गोलरहित बराबरीमा रोकिएको थियो । फ्रान्सले पहिलो हाफमा दुई गोल गर्ने मौका गुमाएको थियो । फ्रान्सका एन्टोइन ग्रिजमानले दुवै गोल गर्ने अबसर गुमाए ।
दोस्रो हाफमा सुधारिएको खेल खेलेका जर्मनीले केही गोल गर्नै मौका पाएपनि सदुपयोग भर्न गर्न सकेन र खेल गोलरहित बराबरीमा सकियो । अब फ्रान्सले आइतबार नेदरल्याण्ड्ससँग भिड्नेछ ।
यो खबर पढेर तपाईलाई कस्तो महसुस भयो ?
प्रतिक्रिया