काठमाडौं । अखिल नेपाल फुटबल संघ ‘एन्फा’ ले जारी ‘साफ’ च्याम्पियनसिपमा नेपाली खेलाडीहरुलाई समर्थन गर्ने समर्थकहरुलाई धन्यवाद दिएका छन् ।
समूहको अन्तिम खेलमा बंगबन्धु रंगशालामा पुगेर नेपाली टिमलाई समर्थन गर्ने प्रशंसकहरुलाई ‘एन्फा’ले आइतवार प्रेस विज्ञप्ति जारी गर्दै धन्यवाद दिएको हो ।
‘एन्फा’ले विशेषगरी ढाकामा रहेका नेपाली समर्थकलाई धन्यवाद ज्ञापन गरेको हो । शनिबार बंगलादेशविरुद्धको महत्वपूर्ण खेलमा पनि नेपाली समर्थकहरुको बाक्लो उपस्थिति रहेको थियो ।
ढाकामा नेपाली प्रसंशकको समर्थनले नेपाली टिमका खेलाडीलाई निकै ठुलो प्रेरणा र उत्साह मिलेको बताउँदै सेमिफाइनल खेलमा पनि यस्तै समर्थनको अपेक्षा एन्फाले राखेको छ ।
नेपाल समूह ‘ए’ को विजेता बन्दै सेमिफाइनलमा प्रवेश गरिसकेको छ ।
अब नेपालले फाइनल प्रवेशको लागि यहि बुधवार समूह ‘बी’ को उपविजेतासँग खेल्नेछ ।
यो खबर पढेर तपाईलाई कस्तो महसुस भयो ?
प्रतिक्रिया