‘युएस’ ओपन टेनिसको उपाधि जोकोभिचलाई, पेट साम्प्रासको कीर्तिमानसँग बराबरी

अमेरिका । सर्बियाली नोभाक जोकोभिचले यो वर्षको अन्तिम ग्राण्डस्लाम युएस ओपन टेनिस च्याम्पियनसिपको उपाधि जितेका छन् । 

न्युर्योकमा आइतवार राति सम्पन्न भएको पुरुष एकलतर्फको फाइनल खेलमा पूर्व विश्व नम्बर एक जोकोभिचले विश्व नम्बर तीन अर्जेन्टिनी हुवा मार्टिन डेल पोर्टोलाई ३-० को सोझो सेटमा पराजित गर्दै उपाधिमाथि कब्जा जमाएका हुन् ।

जोकोभिचले खेल जिबनमा जितेको यो १४ औँ ग्राण्डस्लाम हो । 

खेलको पहिलो सेट जोकोभिचले ६-३ ले आफ्नो पक्षमा पारेका थिए । दोस्रो सेटमा जीत हात पार्न भने जोकोभिचले निक्कै मिहिनेत गरे । उनले दोस्रो सेट ७-६ आफ्नो पक्षमा पारे । त्यस्तै, अन्तिम सेट ६-३ ले जिते । 

३१ वर्षे जोकोभिचले युएस ओपनको उपाधि जितेको यो तेस्रो पटक हो । यो उपाधिसँगै जोकोभिचले पेट साम्प्रासको कीर्तिमानसँग बराबरी गरेका छन् ।

पेटेले १४ ग्रान्डस्लामको उपाधि जित्दै कीर्तिमान बनाएका थिए ।