दीपाश्री निरौला र प्रेमराजा महतको ‘पिपल डाँडे साइँली’ सार्वजनिक

काठमाडौं । गायक प्रेमराजा महतको नयाँ गीत ‘पिपल डाँडे साइँली’ सार्वजनिक भएको छ ।

बुधवार काठमाडौंमा एक कार्यक्रम आयोजना गरेर गीतको भिडियो सार्वजनिक गरिएको हो । गायक महतलाई गायिका अस्मिता परियारले स्वरमा साथ दिएकि छिन्।

गीतको शब्द तथा संगीत पनि स्वयं गायक महतले गरेका छन् । कार्यक्रममा बोल्दै गायक महतले यो गीत ३५ वर्ष अघि रेकर्ड गरेको भएपनि जीवन्त बनाउन अहिले भिडियो बनाएर बजारमा ल्याएको बताए ।

उनले यसले ३५ वर्षअघिको कला, संस्कृतिको महत्व दर्शाउने बताए । त्यस्तै गायिका परियारले यो गीत लोक गीतको रुपमा आफ्नो पहिलो अनुभव रहेको बताइन् ।

दीपक नेपालीको निर्देशनमा तयार भएको भिडियोमा प्रेमराजा महत, दीपाश्री निरौला, डेलविस, राज, जुना सुन्दास र सलिना खत्रीको नृत्य रहेको छ ।