सेयर बजारमा शुक्रबार पनि गिरावट

काठमाडौं । साताको अन्तिम कारोबार दिन शुक्रबार सेयर बजारमा गिरावट आएको छ । अघिल्लो साता मंगलबारदेखि निरन्तर उकालो लागेको सेयर बजार बिहीबारदेखि भने घटेको हो ।

आज सेयर बजार कारोबार मापक नेप्से परिसूचक २७ दशमलव २६ अंकले घटेर २०१७.४६ बिन्दुमा झरेको छ । यता ठूला कम्पनीको कारोबार मापन गर्ने सेन्सेटिभ परिसूचक पनि ५ दशमलव ४० अंकले घटेर ३८६.२४ बिन्दुमा रोकिएको छ ।

कारोबार अवधिभर २१२ कम्पनीको ३३ लाख २० हजार ५१२ कित्ता सेयर खरिदबिक्री हुँदा एक अर्ब ४४ करोड ३४ लाख ३२ हजार ७७० रुपैयाँ कारोबार भएको छ ।

आज कुल १३ उपसमूहमा १३ वटै सूचक राताम्य बनेको छ ।